المنتدى منتداك
 
الرئيسيةالبوابةالتسجيلدخول
titanic_forums@yahoo.com  ايميل المنتدى للإستفسار الشخصي هنا سيرد عليك اي من الطاقم الإداري
جميع المساهمات تعبر عن اراء اصحابها لا عن اراء المنتدى
منتديات تيتانيك..صرح يجمع شباب جامعات مصر (حلوان-القاهرة-عين شمس) إسمتع معنا بالمواضيع الحصرية حيث يمكنك هنا دائما ان تمضي للافضل فالمنتدى منتداك..منتديات تيتانيك..إستمتع بالفائدة
إدارة منتديات تيتانيك تهنئ الأعضاء و جميع الناجحين و تتمنى لهم دوام التفوق و المزيد منه..منتديات تيتانيك..نتعاون لنرتقي

شاطر | 
 

 دعوه للرجوع الى حضن ربنا (ماتستغربوش العنوان ادخلو واقروا الاول )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد المرعب
مشرف
مشرف
avatar

عدد المساهمات : 4225
تاريخ التسجيل : 19/07/2009
العمر : 28
الموقع : فى قلبها
العمل/الترفيه : البحث عن كل ماهو مرعب

مُساهمةموضوع: دعوه للرجوع الى حضن ربنا (ماتستغربوش العنوان ادخلو واقروا الاول )   الأربعاء سبتمبر 02, 2009 2:42 pm

السلام عليكم ورحمه الله وبركاته



ازيكم يا جماعه ...ان شاء الله تكونوا بخير وصحه وسعاده دائما يارب

طبعا انا عارف ان فيه منكم استغرب العنوان وكلمه حضن ربنا

بس اصبروا وانتوا هتفهموا كل حاجه

بس اولا انا عاوز اتكلم على نقطه انا بسمع ناس كتير للاسف بتقول انا ربنا مابيحبنيش وفيه ناس بتقول انا ربنا غضبان عليا وفيه ناس للاسف بتقول انا ماعنديش ثقه فى ربنا ...اه بجد فيه ناس بتقول كده

واحب اقول للى بيقول ان ربنا مابيبحبهوش وغضبان عليه اقوله لا كلامك غلط ربنا بيحبك حب كبير جدا اكتر من حب والدتك ليك
والدليل على كده شوف كام مره غطلت وربنا سترك ...كام مره كان ممكن يحصلك فيها اى اذى وربنا حفظك وحماك
لو ربنا مابيحبكش مكنش يحميك ...لو ربنا مابيحبكش ما كنش يحبلك الخير
ممكن تقول طب ليه ربنا كل شويه بيبتلينى وبيحصلى مصايب كتير هقولك ربنا لما بيحب حد بيبتليه عارف ليه ...؟
عشان سببين اولا عشان يشوف انت بتحب ربنا ولا لا لأنك لو بتحبه هتصبر وتقول الحمد لله وتشكر ربنا بمعنى اخر اختبار
والسبب التانى عشان يديك كميه ثواب وحسنات كبيره جدا ولو صبرت صدقنى منزلتك عند ربنا بتعلى كل ما بيجيلك بلاء وتصبر منزلتك ودرجتك بتعلى
هتقولى طب ماشى انا انا بحمد ربنا وبصبر بس برضه الابتلاء موجود او بيزيد هقولك ليه اول حاجه لازم تفكر فيها
انت لما بتصبر بتصبر عشان ترضى ربنا ولا بتصبر كده وخلاص دى حاجه ولما بتشكر ربنا هل بتقولها ككلمه ولا بتقولها من قلبك وبتقصد معناها
لو بتقولها ككلمه ومابتقصدش معناها يبقى ربنا عاوزك ترجعله وتشكره وتحمده وتحس بالنعمه اللى انت كنت فيها قبل الابتلاء
ولو بتقولها من قلبك وعاوز ترضى ربنا والابتلاء موجود او بيزيد ده بيبقى هنا ربنا صدقنى بجد عاوز يرفع منزلتك اكتر واكتر وبيبقى عاوزك تصبر اكتر
وفى نفس الوقت بيعلمك الصبر

طيب واللى بيقول انو مابقاش يثق فى ربنا ..ليه ياعم كده يقولك انا ياما كتير بدعى ربنا وربنا مابيقبلش
هسالك انت بتدعى ربنا من قلبك وبتضرع ورجاء ولا لا
وهل بتلح فى الدعاء ولا لا ...وعلى فكره دعاءك ده حتى لو ما استجابش بتاخد عليه ثواب
دلوقتى انت لو مابتدعيش ربنا من قلبك ومش بتضرع ورجاء يبقى طبعا الدعاء مش هيستجاب الدعاء لازم يكون فيه عنصر الاحساس
اما بقى لو بتدعى من قلبك وبتضرع واستوفيت كل حاجه وربنا ما استجابش ...يبقى ماتزعلش بالعكس ده انت تفرح
هقولك ليه اولا ربنا بيحوشلك الدعاء ده كله لحد يوم القيامه يوم لا ينفع فيه مال ولا بنون
وعارف يعمل ايه يحولك الدعاء اللى متحوش ده كله لحسنات يضيفها لميزان حسناتك يوم القيامه
يعنى كده كده انت الكسبان ...فانا راضى ذمتك عاوز ربنا يستجيب الدعاء فى الدنيا الفانيه
ولا يحوشهولك احسن ويخليه حسنات ويضيفهالك يوم حسابك ويمكن تكون هيا السبب اللى تدخلك الجنه
ده غير كده كمان ودى انا سمعتها من شيخ او داعيه اسلامى تقريبا عمرو خالد ان ربنا بيانس بالحاح العبد فى دعاء
عارف يعنى ايه الجمله دى ان ربنا يأنس بيك وبيبقى حابب انو يسمع دعاءك دى حاجه كبيره قوى
فانا مش عاوزك تزعل عشان بتدعى وربنا مابيستجيبش وعلى فكره ربنا بيعمل اللى فى مصلحه الواحد ودى حاجه مافيهاش شك خالص
وصدقنى مهما كان الواحد بيعمل ذنوب ودعى ربنا من قلبه صدقى مابيقفلش باب الدعاء فى وشه ربنا رحيم جدا وحنين جدا
وانا الدليل على كده
انا الحمد لله كنت ملتزم ومواظب على الصلاه
لحد مادخلت الكليه بصراحه سبتها مكنتش بصلى خالص ولو حد عاوز يعرف ليه هقوله كنت حسيت زى مايكون زهقت او مليت
المهم فى فى اول ترم ليا فى الكليه شلت مواد الترم كلها معادا ماده واحده والترم التانى شلت ماده فيه وعدت السنه وبرضه مكنتش بصلى
خلصت امتحانات الترم الاول وكان فيه ممواد كنت هشيلها بقيت ادعى ربنا كل يوم واترجاه
لحد ما النتيجه طلعت لقيتنى ناجح فى المواد كلها
ده غير انى فى اول سنه ليا فى الكليه كنت متعقد من ماده اسمها محاسبه وفى الترم التانى كانت صعبه وكان الدكتور رخم وانا مكنتش فاهمها اصلا
ودخلت الامتحان صدقونى سبت الورقه فاضيه ماعدا خاجات بسيطه كتبتها
ودعيت ربنا واترجيته انى ما اشيلش الماده بالذات
وبرضه ربنا استجاب وماشيلتهاش ونجحت فيها
فمهما كنت بتعمل معاصى ربنا مش هيكرهك بالعكس ده بيبقى عاوزك ترجع ليه صدقنى
ومهما كنت بتعمل معاصى واحتجت مساعده ربنا صدقنى هيساعدك ربنا مابيخذلش حد ابدا لا اللى بيطلب مساعدته بيساعده
وصدقنى فضلت كده مابصليش لحد الترم اللى فات بدات التزم لحد ما الحمد لله التزمت تانى
وفى خلال الفتره اللى اللى مكنتش فيها بصلى كنت ببقى عاوز اصلى بس للاسف الشيطان كان بيلعب فى دماغى احلى لعب
واكتر من مره كنت بقول يارب انا خلاص تبت وهرجع اصلى تانى
وبرضه ولا كانى قلت التوبه دى لدرجه ان كلمه توبه قلتها اكتر من 14 مره تقريبا
لحد ماقلت خلاص هيا حرب بينى وبين ابليس ونفسى
ولازم افوز فيها لأنى لو فزت هفوز باعظم حاجه ممكن الواحد يتخيلها هيا رضا ربنا عليه
وعشان اثبتلكوا اكتر ان مهما الواحد عمل ذنوب ربنا برضه مابيكرهوش
انا كنت فى مره راكب المترو وكنت قاعد مش ناحيه الرصيف اللى بقف عليه لا ناحيه القضبان التانى وفى وسط الطريق
طلعت دراعى كله وبطوله من الشباك ونسيت خالص ان ممكن مترو يعدى ويقوم واخد دراعى دع معاه
ووالله العظيم فجاه الاقى ايدى دى زى مايكون بتتزق وتدخل الشباك بتاعى
واول ما ايدى وصلت حرف الشباك لقيت المترو اللى بيعدى من جنبى
ووقتها انا برضه مكنتش بصلى
عرفتوا بقى ان بقى ربنا صبور جدا ورحيم جدا
ربنا على فكره وده فى حديث نبوى ممكنم يغفر اى ذنب ايا كان
سواء قتل او زنا او ربا
ودول من الكبائر
ربنا بيغفرهم تصدقوا بقى... بس الحاجه الوحيده اللى مافيهاش غفران حتى لو الشخص تاب هيا الاشراك بالله او الكفر بيه والعياذ بالله
فدلوقتى مفيش حاجه اسمها ربنا غضبان عليا او مابيحبنيش
ده فيه حاجه كمان وده من حديث عن الرسول ان ما من شوكه تصيب البنى ادم الا وقد حطت له خطيئه او سيئه
على فكره ده مش الحديث بالنص لأنى مش فاكر النص للاسف
المهم معنى الحديث ده ايه ان اى ابتلاء بييجى للبنى ادم مهما كان صغير بسبب الابتلاء ده فيه سيئات وخطايا بتتمسح
فلو خدتوا بالكوا وده من رحمه ربنا بينا
ان الناس اللى بتعمل ذنوب كتير تلاقى كتير منها بيعيا كتير
وبالذات لو حد مثلا سنه كبير
لكن ممكن العيا ده يكون عقاب
يعنى ربنا بيبقى عاوز يعاقبك فى الدنيا عشان يخفف عقابك فى الاخره
ياجماعه ربنا ده رحيم جدا
تعرفوا انا هقولكم على حاجه سمعتها تقريبا من عمرو خالد
بس انا سمعتها من شيخ او داعيه اسلامى كان بيحكى ان هييجى فى يوم القيامه ساعه الحساب
هيبقى واحد بيتحاسب وسيئاته قد حسناته
يعنى لو فيه حسنه واحده زياده هيدخل الجنه
وهيبقى فيه واحد تانى كله سيئات ومعندوش غير حسنه واحده
يقوم قايل لربنا يارب اعطه هذه الحسنه فانها لن تنفعنى فانا فى النار
فاعطها له ليدخل الجنه
يقوم ربنا قايل وهل ستكون رحيم بيه اكتر منى فيدخلهم هما الاتنين الجنه
شفتوا بقى اد ايه ربنا جميل وحنين ورحيم
احنا للاسف علاقتنا بيه سطحيه
فناخدها على انه اله واحنا عبد
وعلينا طاعته
يعنى هبسطها بناخدها علاقه رسميه بينا وبينه
ليه ياجماعه
ربنا بيحب اللى يشتكيله همه واللى يكلمه ويقوله يارب
ويدعى
ربنا مش مجرد اله خالقنا وهيحاسبنا وبس
لا ياجماعه ربنا ده كل حاجه فى حياتنا هوا كل حاجه بالنسبالنا
وصدقنى والله هيسمعك
انا لما ببقى مضايق او مخنوق صدقونى بقعد مع نفسى اشكى همى لربنا واكلمه
وصدقونى بجد بحس انو بيكلمنى وبيواسينى
يعنى هقولكوا انا لما باجى اكلمه او اشكيله همى والله بجد بحس برعشه فى جسمى كله
وبحس براااحه غريبه
ده انا من كتر مابقيت بحب ربنا والله بقلوهاله
باجى ساعات بقول بحبك اوى يارب
وبرضه بحس برعشه
انا بحس ان الرعشه دى نتيجه رده عليا او احساسه بيا
هيا ليها علاقه
خلوا علاقتكوا مع ربنا مش علاقه رسميه وخلاص لا خلوا فيها عاطفه وحب
كلموا ربنا وحسوا بيه
واشكوله همكوا والله بيسمع شكواكوا
ربنا مابيحبش ياذى حد ربنا على قد ماهوا قادر انو يدمر الكون ده فى غمضه عين شوفوا القوه بقى والغضب اد ايه
رحمته بقى اكبر من كده بكتييييييييييييييييير وبمراحل
وربنا قالها ان رحمتى غلبت غضبى
ربنا بيدى فرص للبنى ادم كتييييييييييير قوى وبيفضل يديله فى فرص عشان يتوب
لأن ربنا عارف الحساب ويوم القايمه هيبقى ازاى وربنا مش عاوزنا ندخل النار بالعكس ده عاوزنا ندخل الجنه
والدليل على كده خلى السيئه هيا السيئه بس
والحسنه بعشره
يعنى انت عملت عملت حاجه كويسه بتاخد عليها حسنه
لا مابتاخدش حسنه واحده بس بتاخد 10
ربنا عاوز ميزان حسناتنا يبقى تقيل قوى اتقل من ميزان السيئات بكتيييييييييير
ده غير ان ربنا خلى حاجات كتييييييييييييييييييييييييييييييييييييييييييييييييييييير
نعملها ناخد عليها حسنات
وحاجات انت لايمكن تتخيلها وبتعملها من غير ما تحس
يعنى هقولك ابتسامتك فى وجه اخيك المسلم صدقه
الصدقه دى مش عليها حسنات
شوف بقى فى خلال اليوم الواحد ابتسمت فى وش كام مسلم
لو قلنا عشره مثلا
اضرب عشره فى عشره
لأن كل واحد عليه 10 حسنات لأن الحسنه بعشره
يبقوا كام حسنه
100 حسنه

يتبع فى الردود



>


عدل سابقا من قبل محمد المرعب في الإثنين يناير 04, 2010 4:43 pm عدل 2 مرات
الرجوع الى أعلى الصفحة اذهب الى الأسفل
http://7elwan4ever.gid3an.com
محمد المرعب
مشرف
مشرف
avatar

عدد المساهمات : 4225
تاريخ التسجيل : 19/07/2009
العمر : 28
الموقع : فى قلبها
العمل/الترفيه : البحث عن كل ماهو مرعب

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الأربعاء سبتمبر 02, 2009 2:43 pm


تخيل ده من الابتسامه بس
وحاجه كمان لما مثلا بتلاقى صاحبك او صاحبتك مضايقه وزعلان
وتيجى انت تكلمه او تكلمها وتعرف الزعل ده
وتهديه وتخليه ينسى الزعل ده وتخليه يضحك كمان
دى عليها ثواب كبيييييييييير قوى
كام واحد بيعمل كده كتييييييييييير
ومابنحسش
ولما صاحبك يبقى مهموم وتخليه يفضفض وينسى همومه ويرجع لحالته الطبيعيه تانى دى عليها ثواب كبير قوى
ولما يبقى مكروب وعنده مشكله وانت تقف جنبه تحلهاله
دى عليها ثواب كبير جدا
ياااااااااااااااه انا مهما عديت احنا تقريبا يومنا كله مابيعديش الا لما يكون معانا قدر لاباس بيه من الحسنات
بالرغم من السيئات الكتير برضه اللى بنعملها
فتخيلوا بقى لما ربنا يعمل كل ده عشان يبقى معاك حسنات كتير ده غير شفاعه سيدنا محمد
ده غير شفاعه الصيام
وشفاعه القران اللى بتقراه فى رمضن على الاقل
يبقى ايه
يبقى ربنا عاوز ايه من البنى ادم
يبقى ربنا عاوز يدخله الجنه بشتى الطرق
وحاجه كمان ودى عن حديث عن الرسول لما واحد يموت
حلو وفيه تلاته شهدوا ان الميت ده كان صالح وكان كويس وما اذاش حد
بيدخل الجنه
يااااااااااااااااااااااااه يارب قد ايه انت جميل واد ايه انت رحيم واد ايه حنين على الواحد
انت اللى بتبقى موجود وبتفرجها علينا وتحس بينا لما الدنيا بتضيق بينا
انت اللى بتفرج همومنا وكربنا
يبقى ربنا ده ايه
يبقى ربنا ده يستاهل اننا نعامله بالطريقه الرسميه دى او الطريقه الجافه دى كل واحد فينا بيبقى قايم يصلى كانه رايح عزا
ليه ياعم ده انت هتقابل ربنا وهتقف بين اديه
وتلاقى الواحد بيصلى ورحته عرق وحاجه زفت
وتلاقيه رايح فرح لا بسلك اللى على الحبل واشيك حاجه عنده
يعنى رايح لبنى ادم وتعمل كده
ولما تروح لربنا اللى خلقك واللى بيحن عليك ويرحمك
تروحله بالمنظر ده
فيه اايه ايه كده لما تتشطف كويس وتلبس حاجه نضيفه
وتحط برفان كمان
او بلاش برفان مسك او عنبر
اه عادى والله
انت بتتزين لأعظم واحد هتقابله فى حياتك
هتقولى بس انا مابشوفوش هقولك اه
بس هوا بيشوفك
يبقى ازاى تحب انو يشوفك بالمنظر ده
مش بقولكوا علاقه رسميه وجافه
انتوا طبعا عارفين ان ربنا هيظهر لاهل الجنه انا بقى متخيل انى لو دخلت الجنه ان شاء الله
وربنا ظهر وشوفته هوا طبعا كل الناس هتسجد
انا بقى حاسس انى هجرى عليه احضنه
والله بجد رغم انى عارف انها مش هتحصل بس ده من كتر حبى فيه انا حبيت ربنا من غير ما اشوفه
وكلنا لازم نحبه ونعشقه كمان مع اللى بيعملوا معانا ده
يعنى هقلكوا على حاجه حد فينا يقدر يزعل والدته
لا طبعا يالهوى دى كانت تبقى كارثه
فمابالكوا بقى بربنا اللى احسن من والدتك واللى بيحبك اكتر منها واللى بيحن عليك اكتر منها واللى بيحفظك ويحميك
شوف كام مره بنزعله فيها وكل يوم
اذا لما يكن ينزعله فى اليوم اكتر من مره
ورغم كده بيصبر علينا وبيرحمنا وبيفضل يحبنا برضه
يبقى احن ايه
ظلمنا نفسنا ولا لا
ربنا مايستاهلش مننا كده
ليه نزعله وليه نعصيه رغم اننا لو اطعناه يااااااااااااااه على البركه والراحه النفسيه والرزق اللى هيجيلك
مالوش حدود هتحس انك مش شايل هم اى حاجه خالص
لأن ربنا موجود جنبك وهيساعدك وهيدافع عنك
يبقى ليه مانطيعوش ليه مانسمعش كلامه
ربنا فاتحلنا بابه قدامنا على مصراعيه
وقدامنا باب الشيطان بنسيب باب ربنا وبنروح لباب الشيطان بنسيب اللى بيحبنا واللى بيرحمنا وبنروح للى هياذينا واللى عمره ماهيفكر فى مصلحتنا اصلا
ربنا اللى فاتح ذراعيه وبيقولنا تعالوا عندى وانا احميكوا واحفظكوا
انا اللى بحبكوا بجد
وانا بنقول لا مش جايين وبنرفض
وربنا ينادى علينا تانى واحنا بنرفض
ليه ياجماعه نعمل كده مانرجع لحضن ربنا الدافىء الجميل الحنين اللى هتحس فيه بالامان والراحل والسكينه
فيها ايه لو قلنا لابليس لا
ايوه لا
مش صعبه
وقلنا لا هنرجع لحبيبنا اللى مالناش غيره ربنا الله
ونقعد فى طاعته وتحت حمايته ورحمته
ليه مانعملش كده ايه حضن ربنا الجميل ده مايستاهلش اننا نستحمل
مايستاهلش اننا نبعد عن كل مايغضبه
مايتاهلش عشان ماناذيش نفسنا
انا عارف ان كلنا بقينا مدمنين ذنوب
بس معلش بالاراده والعزيمه هنرجع لحضن ربنا
انا ماقلتش اننا هنبقى كاملين
لا الكمال لله وحده
بس نوصل لقصى درجه من الطاعه ومفيش حاجه بتيجى مره واحده
يعنى برضه الاسلام دين يسر لا عسر
وربنا قلها انما يريد بكم اليسر لا العسر
فاحنا وواحده واحده هنرجع لربنا وكل ذنب بنبطله او بنقلل منه بيقربنا من حضن ربنا اكتر
اللى هيفضل فاتح ذراعيه لنا دائما
نشوف ايه الذنوب اللى بنعملها ونكتبها فى لسته
ايوه يلا هات ورقه وقلم وفكر وشوف ايه الذنوب اللى انت بتعملها
واكتبها كلها تحت بعض من الصغير للكبير من الذنب الاصغر والاسهل للاكبر والاصعب
يعنى مثلا الكذب فيها ايه لو مانكدبش ودى حاجه سهله جدا اننا نمنع نفسنا منها
مالهاش الصراحه والحقيقه ده غير كده لو خدت بالك هتلاقى الكذب بيوقعك فى مشاكل اكتر من الصراحه
نيجى لحاجه تانيه دايما بنجيب فى سيره بعض للاسف وياريت بنجيب فى السيره بالخير
لا بالشر وبنقعد نذم فى الواحد ولما يبقى قدامه يبقى اهى ياجبيبى واخر تمام غلط
انت شايف ان البنى ادم ده فيه عيب ماتقوله فى وشه
ولو لازم تجيب فى سيره حد وهوا مش موجود ياريت يبقى بالخير يعنى اذكر محاسنه مش عيوبه
نييجى للهم الكبير

يتبع



>
الرجوع الى أعلى الصفحة اذهب الى الأسفل
http://7elwan4ever.gid3an.com
محمد المرعب
مشرف
مشرف
avatar

عدد المساهمات : 4225
تاريخ التسجيل : 19/07/2009
العمر : 28
الموقع : فى قلبها
العمل/الترفيه : البحث عن كل ماهو مرعب

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الأربعاء سبتمبر 02, 2009 2:44 pm


الاغانى اللى قاعدين نسمع فيها ليل ونهار
نقلل منها انا عارف انها وصلت لدرجه الادمان وانا اولكوا فى دى انا وصلت معايا لدرجه الادمان لما جربتو قلت اقعد يومين ما اسمعش اغانى
يالهوووووى ماقدرتش
بس انا لقيت الحل عارفين ايه
انا ادمنا الاغانى بصفه عامه
فيها ايه لو نبدل الاغانى اللى بنسمعها دى باغانى دينيه جميله
صدقونى جرب اعملها وهتجيب نتيجه لأنى جربتها وجابت نتيجه مبهره معايا
اينعم انا ماقدرتش ابطل اغانى خالص
بس على الاقل لقيت الحاجه اللى تخيلنى اقلل من سماعى ليها
حاجه كمان فيه ناس كتير مؤمنه بالحظ
مفيبش حاجه سامها حظ خالص فيه حاجه اسمها اراده ربنا
انا عن نفسى بقول كلمه حظ دى كتير كتير قوى
بس الفرق انى مش مؤمن بيها وبقولها على سبيل الهزار والضحك يعنى بدل ماتقولها وتبقى مؤمن بيها وتاخد بيها ذنب
لا اضحك على الذنب ده
فبلاش الايمان بالحظ ده
دى مجرد امثله بس عشان اوريكوا انها مش مستحيله
كل حاجه وليها حل

ها بعد ماقريت الكلام ده عاوز ترجع لحضن ربنا اللى مستعد لاستقبالك واللى ذارعيه مفتوحه ليك ولا لا
هتعمل اللسته وهتعالج الذنوب دى ولا
لو مش عاوز ترجع لحضن ربنا خلاص ده اختيارك
بس خد بالك انت كده فضلت الذنوب والشيطان عن ربنا
فماتجيش بعد كده تقول انا ربنا غضبان عليا ليه
لأنك بصراحه كده كانك وقفت قدامه وهوا فاتحلك ذراعيه
وبتقوله اقفلهم احسن انا مش عاوز حضنك ده
بس خد بالك الموت مالوش معاد او سن انت ممكن تموت دلوقتى
فاستغل الفرصه
استغل انك عايش دلوقتى
ودى بكل صراحه
وياريت نشجع بعض
يعنى كل واحد كان بيعمل ذنب وقدر يبطله او قلل منه
يدخل يقول ايه الذنب وايه اللى عمله وكانت ايه النتيجه
اوك
بس طبعا فيه ذنوب مانقدرش نقول عليها يعنى ربنا بيستر علينا فمانفضحش احنا نفسنا
واتمنى بجد ان الموضوع ده يفيدكوا او على الاقل يخليكوا تعيدوا تفكيركوا
ويارب اجعله فى ميزان حسناتى
واشهدك يارب انى اقصد من هذا الموضوع رضاك
اللهم اجعل هذا العمل حجه لى لا على يوم القيامه





>


عدل سابقا من قبل محمد المرعب في الأربعاء سبتمبر 02, 2009 8:32 pm عدل 1 مرات
الرجوع الى أعلى الصفحة اذهب الى الأسفل
http://7elwan4ever.gid3an.com
وردة الايمان
مطرود
مطرود
avatar

عدد المساهمات : 1027
تاريخ التسجيل : 22/06/2009
العمر : 27
الموقع : ف احلامى

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الأربعاء سبتمبر 02, 2009 3:13 pm

جزاك الله كل خير يامرعب الصراحه مكملتش الموضوع هكمله بعد الفطار لانى حاليا مش قادره وهقول رايى بصراحه
بس انا عاوزه اضيف جمله ع اللى قريته
ان العبد لازم يرضى باللىكاتبهوله ربنا ويقول جمله واحده لما يواجهه مشكله وهى
احبه اليه احبه الى يعنى احبه الى الله احبه الى ايا كان المشكله اللى واجهتها وهكمل بعد الفطار ان شاء الله
الرجوع الى أعلى الصفحة اذهب الى الأسفل
محمد المرعب
مشرف
مشرف
avatar

عدد المساهمات : 4225
تاريخ التسجيل : 19/07/2009
العمر : 28
الموقع : فى قلبها
العمل/الترفيه : البحث عن كل ماهو مرعب

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الأربعاء سبتمبر 02, 2009 3:35 pm

وردة الايمان كتب:
جزاك الله كل خير يامرعب الصراحه مكملتش الموضوع هكمله بعد الفطار لانى حاليا مش قادره وهقول رايى بصراحه
بس انا عاوزه اضيف جمله ع اللى قريته
ان العبد لازم يرضى باللىكاتبهوله ربنا ويقول جمله واحده لما يواجهه مشكله وهى
احبه اليه احبه الى يعنى احبه الى الله احبه الى ايا كان المشكله اللى واجهتها وهكمل بعد الفطار ان شاء الله

شكرا ليكى على المرور
وانا مستنى رائيك
وشكرا على اضافتك



>
الرجوع الى أعلى الصفحة اذهب الى الأسفل
http://7elwan4ever.gid3an.com
meshmesha
الطاقم الإداري
الطاقم الإداري
avatar

عدد المساهمات : 1767
تاريخ التسجيل : 21/06/2009
العمر : 28
العمل/الترفيه : طالبه جامعية

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الأربعاء سبتمبر 02, 2009 6:50 pm

بجد مش عارفه اقول ايه ولا ايه على كلامك الجميل دا
بس واللهي العظيم انا طول ما انا عماله اقرا بحس برعشه فعلا ومبسوطه من اللي بقراه
وانا عايزه اقول على ذنب عملته
انا الاول خالص كنت لما بطلب من ربنا اي طلب بلاقيه بيستجاب فورا
فاتعودت ان اول ما ادعي ربنا الاقي الدعوه علطول
المهم جت فتره قريب الترم التاني السنه اللي فاتت
وكنت بلح في دعوة معينه اقسم بالله ليل نهار
ومفيش اي اجابه او حتى دليل على ربنا هيستجيب
فياست بجد وياريتها جت ع الياس
لا دا انا كمان اتصدمت وقررت اني مش هدعي تاني ابدا وزعلت من ربنا جدااااااااا
فبعدت عنه طبعا تلقائي لاني ببساطه مبقتش اكلمه ولا اطلب منه حاجه
المهم
جيت في يوم من ايام الامتحانات اخر السنه
نازله في امان الله من بيتنا رايحه ع الامتحان وكده
روحت استنى ميكروباص يخرجني من المدينه اللي ساكنه فيها ويوديني المترو
اقسم بالله وقفت نص ساعه اني الاقي حاجه ابدا
لا وايه الناس عماله تكتر وازدحموا اوي والقلق بدا يزيد
ناقص ساعتين ع الامتحان والوقت بيمر ومشواري لوحده ساعتين اصلا ولسه متحركتش من مكاني
معرفتش اعمل ايه
حتى مفكرتش ابص للسما زي ما بعمل ديما واقول يارب
لا فضلت واقفه والنص ساعه بقت ساعه الا ربع وحتى مفيش تاكسي
متقفله متقفله واللهي
تخيلوا مفيش اي حاجه اركبها ابداااااااااا والوقت بيعدي والامتحان هيبدا كده
وياست وقلت هشيل الماده كده يارب وانا مذاكراها وتعبي هيروح ع الفاضي
وقعدت اعيط وادعي بعد غياب عن الدعوه ومشكتش لحظه ان ربنا هيتخلى عني مهما كنت غلطت
وسبحان الله اقسم بالله لاقيت تاكسي وقفلي وبنت جواه معرفه يعني بتندهلي وتقولي يلا تعالي اركبي
انا كان هيغمى عليا من فرحه ان ربنا استجاب
بس برضه كنت مضايقه لاني هدخل اللجنه متاخره بالضبط نص ساعه ع الاقل خاالص
دا يعني لو المترو معملهاش ومشي عدل
واللهي العظيم يا جماعه واللهي
روحت لاقيت صحابي واقفينلي برا الكليه وبيقولوا الامتحان اتاجل سااااااعه

واللهي اتشاهدت وحسيت ان ربنا كان عملي درس عشان افهم منه
اني المفروض اصبر ومفقدش الثقه فيه ابدا مهما حصل
درس عمري ما هنساه ابداااااااااااااااااااااااا
واتعلمت منه كتير اوي بصراحه
فعلا ربنا بيحب المسلمين كلهم واللهي
سبحانك يارب




يا حبيبي معاك بملك بهواك الدنيا وكل زماني
تلمسني ايديك تحضني عنيك بلاقيني في عالم تاني
مش عايزه خلاص غيرك من الناس
وكفايه تكون علشاني
الرجوع الى أعلى الصفحة اذهب الى الأسفل
http://titanic.forum0.net
meshmesha
الطاقم الإداري
الطاقم الإداري
avatar

عدد المساهمات : 1767
تاريخ التسجيل : 21/06/2009
العمر : 28
العمل/الترفيه : طالبه جامعية

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الأربعاء سبتمبر 02, 2009 6:54 pm

انا عايزه اقولك يا محمد بجد
جزاك الله خيرا يارب
وجعله في ميزان حسناتك
وبجد عايزه احييك خصوصا ان الموضوع انت اللي كاتبه كله ما شاء الله
وتعبت فيه جدا انا عارفه
بس على اد ما تعبت وعلى اد اقتناع الكل ان شاء الله بكلامك
هتاخد حسنات ان شاء الله ملهاش اول من اخر
وانا دعوتي ليك بجد
ان ربنا يحققلك كل امالك
والموضوع يستحق التثبيت




يا حبيبي معاك بملك بهواك الدنيا وكل زماني
تلمسني ايديك تحضني عنيك بلاقيني في عالم تاني
مش عايزه خلاص غيرك من الناس
وكفايه تكون علشاني
الرجوع الى أعلى الصفحة اذهب الى الأسفل
http://titanic.forum0.net
وردة الايمان
مطرود
مطرود
avatar

عدد المساهمات : 1027
تاريخ التسجيل : 22/06/2009
العمر : 27
الموقع : ف احلامى

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الأربعاء سبتمبر 02, 2009 8:23 pm

بجد يامحمد مش عارفه اقولك ايه بس الموضوع هااااااااااااااااايل وهايل انك اللى كتبته
انا اكبر ذنب بعمله سمااع الاغانى بطلته ورجعت تانى
وكمان احيانا كتيير لما بضايق من حاجه وخصوصا لما بحس بعدم تفاهم بينى وبين امى او حد من اغز اصدقائى بحس ان حظى وحش وافضل اعيط او لما احس انى مش فارقه مع حد ومحدش حاسس بيه بقول طب انا عايشه ليه يارب هفضل كدا عايشه ع طول لوحدى ومحدش يفهمنى بس والله بلاقى نفسى برجع لربنا فى الايام دى وبحس انه انيسى وبحس بسعاده ملهاش وصف وببقى فرحانه اوووى وبلاقى الدنيا اتحسنت
طب كمان انا هعترف بحاجه انى لما ببعد عن ربنا بلاقي الدنيا اتلغبطت اعمل مشكله مع صاحبتى او مع امى وطبعا الايام دى بكره نفسى لانى مع امى ببقى انا اللى غلطانه

ومش ببقى عارفه اصالحها ازاى برجع لربنا اووووووووووى لاقى حياتى اتظبطت وبلاقى السعاده بتجرى عليه والله زى مقوول كدا
ربنا يكرمك يامحمد ويجازيك خير واكيد ان شاء الله هكتب اللسته وهتغير باذن ربنا
جعله الله فى ميزان حسناتك
الرجوع الى أعلى الصفحة اذهب الى الأسفل
محمد المرعب
مشرف
مشرف
avatar

عدد المساهمات : 4225
تاريخ التسجيل : 19/07/2009
العمر : 28
الموقع : فى قلبها
العمل/الترفيه : البحث عن كل ماهو مرعب

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الأربعاء سبتمبر 02, 2009 9:47 pm

meshmesha كتب:
بجد مش عارفه اقول ايه ولا ايه على كلامك الجميل دا
بس واللهي العظيم انا طول ما انا عماله اقرا بحس برعشه فعلا ومبسوطه من اللي بقراه
وانا عايزه اقول على ذنب عملته
انا الاول خالص كنت لما بطلب من ربنا اي طلب بلاقيه بيستجاب فورا
فاتعودت ان اول ما ادعي ربنا الاقي الدعوه علطول
المهم جت فتره قريب الترم التاني السنه اللي فاتت
وكنت بلح في دعوة معينه اقسم بالله ليل نهار
ومفيش اي اجابه او حتى دليل على ربنا هيستجيب
فياست بجد وياريتها جت ع الياس
لا دا انا كمان اتصدمت وقررت اني مش هدعي تاني ابدا وزعلت من ربنا جدااااااااا
فبعدت عنه طبعا تلقائي لاني ببساطه مبقتش اكلمه ولا اطلب منه حاجه
المهم
جيت في يوم من ايام الامتحانات اخر السنه
نازله في امان الله من بيتنا رايحه ع الامتحان وكده
روحت استنى ميكروباص يخرجني من المدينه اللي ساكنه فيها ويوديني المترو
اقسم بالله وقفت نص ساعه اني الاقي حاجه ابدا
لا وايه الناس عماله تكتر وازدحموا اوي والقلق بدا يزيد
ناقص ساعتين ع الامتحان والوقت بيمر ومشواري لوحده ساعتين اصلا ولسه متحركتش من مكاني
معرفتش اعمل ايه
حتى مفكرتش ابص للسما زي ما بعمل ديما واقول يارب
لا فضلت واقفه والنص ساعه بقت ساعه الا ربع وحتى مفيش تاكسي
متقفله متقفله واللهي
تخيلوا مفيش اي حاجه اركبها ابداااااااااا والوقت بيعدي والامتحان هيبدا كده
وياست وقلت هشيل الماده كده يارب وانا مذاكراها وتعبي هيروح ع الفاضي
وقعدت اعيط وادعي بعد غياب عن الدعوه ومشكتش لحظه ان ربنا هيتخلى عني مهما كنت غلطت
وسبحان الله اقسم بالله لاقيت تاكسي وقفلي وبنت جواه معرفه يعني بتندهلي وتقولي يلا تعالي اركبي
انا كان هيغمى عليا من فرحه ان ربنا استجاب
بس برضه كنت مضايقه لاني هدخل اللجنه متاخره بالضبط نص ساعه ع الاقل خاالص
دا يعني لو المترو معملهاش ومشي عدل
واللهي العظيم يا جماعه واللهي
روحت لاقيت صحابي واقفينلي برا الكليه وبيقولوا الامتحان اتاجل سااااااعه

واللهي اتشاهدت وحسيت ان ربنا كان عملي درس عشان افهم منه
اني المفروض اصبر ومفقدش الثقه فيه ابدا مهما حصل
درس عمري ما هنساه ابداااااااااااااااااااااااا
واتعلمت منه كتير اوي بصراحه
فعلا ربنا بيحب المسلمين كلهم واللهي
سبحانك يارب

شكرا على مرورك
واحب اقولك ان اللى حصلك ده سببه ايه
اولا انتى لما كنتى بتدعى ربنا وكان بيستجيب ليكى على طول
ربنا حب يختبرك ويشوف لو ما استجابش هتعملى ايه هل هتستمرى فى الالحاح ولا هتستلمى
ولما جيتى انتى دعيتى ربنا وربنا ماستجابش جيتى انتى ياستى وبطلطى تدعى ربنا
وده كان غلط المفروض كنتى تستمرى وما تياسيش
فانتى كده فشلتى فى الاختبار
ولما بعدتى عن ربنا وزعلتى كده
ربنا جه عملك الموقف ده عشان ثقتك ترجع فيه تانى
ويقولك ارجعى انا لسه واقف جنبك
فربنا عمل الموقف ده من البدايه للنهايه
وعمله بحيث انك ما تخسريش اى حاجه
يعنى شوفى ربنا مش عاوز يسببلك ادنى ضرر
فخلاكى تتاخرى عن الامتحان
عشان ترجعى تدعى ربنا
ولما دعتيه استجاب فورا
ورحتى الامتحان
وطبعا ربنا خير الماكرين والمدبرين
خلى الامتحان يتاخر ساعه كامله
عشان ماتضريش بالاثبات ده
واحب اقولك ان ربنا بيحبك جدا
لدرجه لايمكن تتخليها



>
الرجوع الى أعلى الصفحة اذهب الى الأسفل
http://7elwan4ever.gid3an.com
محمد المرعب
مشرف
مشرف
avatar

عدد المساهمات : 4225
تاريخ التسجيل : 19/07/2009
العمر : 28
الموقع : فى قلبها
العمل/الترفيه : البحث عن كل ماهو مرعب

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الأربعاء سبتمبر 02, 2009 9:51 pm

meshmesha كتب:
انا عايزه اقولك يا محمد بجد
جزاك الله خيرا يارب
وجعله في ميزان حسناتك
وبجد عايزه احييك خصوصا ان الموضوع انت اللي كاتبه كله ما شاء الله
وتعبت فيه جدا انا عارفه
بس على اد ما تعبت وعلى اد اقتناع الكل ان شاء الله بكلامك
هتاخد حسنات ان شاء الله ملهاش اول من اخر
وانا دعوتي ليك بجد
ان ربنا يحققلك كل امالك
والموضوع يستحق التثبيت

اقتباس :
جزاك الله خيرا يارب
وجعله في ميزان حسناتك

امين يارب العالمين

اقتباس :
وبجد عايزه احييك خصوصا ان الموضوع انت اللي كاتبه كله ما شاء الله
وتعبت فيه جدا انا عارفه
بس على اد ما تعبت وعلى اد اقتناع الكل ان شاء الله بكلامك
هتاخد حسنات ان شاء الله ملهاش اول من اخر

يارب يا مشمشه
انا اللى يهمنى صدقينى بجد انى مش اخد حسنات لنفسى
لا انا اللى يهمنى ان اللى بقراه يقتنع ويرجع لحضن ربنا

اقتباس :
وانا دعوتي ليك بجد
ان ربنا يحققلك كل امالك
والموضوع يستحق التثبيت

يارب يا مشمشه
يسمع من بقك ربنا
والله بصى لو انتوا شافينه مميز
ثبتوه



>
الرجوع الى أعلى الصفحة اذهب الى الأسفل
http://7elwan4ever.gid3an.com
محمد المرعب
مشرف
مشرف
avatar

عدد المساهمات : 4225
تاريخ التسجيل : 19/07/2009
العمر : 28
الموقع : فى قلبها
العمل/الترفيه : البحث عن كل ماهو مرعب

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الأربعاء سبتمبر 02, 2009 11:42 pm

وردة الايمان كتب:
بجد يامحمد مش عارفه اقولك ايه بس الموضوع هااااااااااااااااايل وهايل انك اللى كتبته
انا اكبر ذنب بعمله سمااع الاغانى بطلته ورجعت تانى
وكمان احيانا كتيير لما بضايق من حاجه وخصوصا لما بحس بعدم تفاهم بينى وبين امى او حد من اغز اصدقائى بحس ان حظى وحش وافضل اعيط او لما احس انى مش فارقه مع حد ومحدش حاسس بيه بقول طب انا عايشه ليه يارب هفضل كدا عايشه ع طول لوحدى ومحدش يفهمنى بس والله بلاقى نفسى برجع لربنا فى الايام دى وبحس انه انيسى وبحس بسعاده ملهاش وصف وببقى فرحانه اوووى وبلاقى الدنيا اتحسنت
طب كمان انا هعترف بحاجه انى لما ببعد عن ربنا بلاقي الدنيا اتلغبطت اعمل مشكله مع صاحبتى او مع امى وطبعا الايام دى بكره نفسى لانى مع امى ببقى انا اللى غلطانه

ومش ببقى عارفه اصالحها ازاى برجع لربنا اووووووووووى لاقى حياتى اتظبطت وبلاقى السعاده بتجرى عليه والله زى مقوول كدا
ربنا يكرمك يامحمد ويجازيك خير واكيد ان شاء الله هكتب اللسته وهتغير باذن ربنا
جعله الله فى ميزان حسناتك


اقتباس :
بجد يامحمد مش عارفه اقولك ايه بس الموضوع هااااااااااااااااايل وهايل انك اللى كتبته

الحمد لله انو حلو وعجبك
وعلى فكره انا كل كلمه كتبتها والله كانت طالعه من قلبى والحمد لله

اقتباس :
انا اكبر ذنب بعمله سمااع الاغانى بطلته ورجعت تانى

ما انا قلت فيه حاجات مش هنعرف نبطلها
بس فى ايدنا نقللها

اقتباس :
وكمان احيانا كتيير لما بضايق من حاجه وخصوصا لما بحس بعدم تفاهم بينى
وبين امى او حد من اغز اصدقائى بحس ان حظى وحش وافضل اعيط او لما احس انى
مش فارقه مع حد ومحدش حاسس بيه بقول طب انا عايشه ليه يارب هفضل كدا عايشه
ع طول لوحدى ومحدش يفهمنى بس

ومين قالك انك بتبقى لوحدك وان مفيش حد حاسس بيكى
ربنا حاسس بيكى وشايف اللى انتى بتمرى
ربنا ده كل حاجه فى حياتنا

اقتباس :
بس والله بلاقى نفسى برجع لربنا فى الايام دى وبحس انه انيسى وبحس بسعاده ملهاش وصف وببقى فرحانه اوووى وبلاقى الدنيا اتحسنت

طبعا يابنتى انتى بتبقى قاعده مع ربنا
مع ربنا
عمرك ما هتسحى باى حاجه وحشه لا خوف ولا قلق ولا زعل
وهتحسى بالاطمئنان

اقتباس :
بس والله بلاقى نفسى برجع لربنا فى الايام دى وبحس انه انيسى وبحس بسعاده ملهاش وصف وببقى فرحانه اوووى وبلاقى الدنيا اتحسنت

طبعا ياورده
ربنا بيبقى معاكى


اقتباس :
طب كمان انا هعترف بحاجه انى لما ببعد عن ربنا بلاقي الدنيا اتلغبطت اعمل
مشكله مع صاحبتى او مع امى وطبعا الايام دى بكره نفسى لانى مع امى ببقى
انا اللى غلطانه

ومش ببقى عارفه اصالحها ازاى برجع لربنا اووووووووووى لاقى حياتى اتظبطت وبلاقى السعاده بتجرى عليه والله زى مقوول كدا

ده اكيد القرب من ربنا سعاده وهنا وبركه
والبعد عنه ضيق ومشاكل

اقتباس :
ربنا يكرمك يامحمد ويجازيك خير واكيد ان شاء الله هكتب اللسته وهتغير باذن ربنا
جعله الله فى ميزان حسناتك

امين يارب

شكرا ليكى ياورده على المرور وعلى الاعترافات
وان شاء الله تتجنبى كل الذنوب



>
الرجوع الى أعلى الصفحة اذهب الى الأسفل
http://7elwan4ever.gid3an.com
meshmesha
الطاقم الإداري
الطاقم الإداري
avatar

عدد المساهمات : 1767
تاريخ التسجيل : 21/06/2009
العمر : 28
العمل/الترفيه : طالبه جامعية

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الجمعة سبتمبر 04, 2009 8:35 am

ايه يا جماعه
فين باقي الاعضاء
مش تشوفوا الموضوع الجميل اوي دا
هيفوتكم نص عمركم




يا حبيبي معاك بملك بهواك الدنيا وكل زماني
تلمسني ايديك تحضني عنيك بلاقيني في عالم تاني
مش عايزه خلاص غيرك من الناس
وكفايه تكون علشاني
الرجوع الى أعلى الصفحة اذهب الى الأسفل
http://titanic.forum0.net
محمد المرعب
مشرف
مشرف
avatar

عدد المساهمات : 4225
تاريخ التسجيل : 19/07/2009
العمر : 28
الموقع : فى قلبها
العمل/الترفيه : البحث عن كل ماهو مرعب

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الجمعة سبتمبر 04, 2009 12:54 pm

meshmesha كتب:
ايه يا جماعه
فين باقي الاعضاء
مش تشوفوا الموضوع الجميل اوي دا
هيفوتكم نص عمركم


هههههههههههههههههه
ايه ياحجه براحه
اولا القسم الاسلامى عدد مرات الدخول عليه قليل اصلا
ثانيا انا لما عملت الموضوع ده
انا مش عامله عشان ادخل الاقيه مليان ردود
ماهو يافرحتى بالردود
واللى يقولك شكرا وجزاك الله خيرا
ومفيش كلمه تدخل دماغه او يعمل بيها
ابقى انا استفدت ايه
انا عندى محدش يرد بس اللى يقرا يستفاد بجد
يعنى انتى لو خدتى بالك هتلاقى عدد المشاهدات 45
ده كويس اوى
لو نص العدد ده
هيعمل باللى قراه
يبقى كويس قوى
انا مكسبى مش فى الردود
لا الافتناع والعمل بالكلام



>
الرجوع الى أعلى الصفحة اذهب الى الأسفل
http://7elwan4ever.gid3an.com
Sheva
رومانسي من العظماء
رومانسي من العظماء
avatar

عدد المساهمات : 1421
تاريخ التسجيل : 12/07/2009
العمر : 26

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الأربعاء أكتوبر 14, 2009 6:48 am

مش عارف اقول ايه بصراحه
انا بكيت من الكلام الجميل
ربنا رحيم فعلا وبيساعدنا
فعلا التوبه جميله جدا والله
انا اما بدعي ربنا وابكي واشكيله همومي بحس براحه ورضا كبير اوي
برجع اعمل ذنوب واتوب تاني وهو بيتوب عليا وبيساعدني دايما
"كل ابن آدم خطاء وخير الخطائين التوابون"
يارب يارب يارب اغفر لنا وارحمنا
الرجوع الى أعلى الصفحة اذهب الى الأسفل
سوزى
رومانسي كبير
رومانسي كبير
avatar

عدد المساهمات : 488
تاريخ التسجيل : 01/09/2009
العمر : 25
الموقع : فى البيت
العمل/الترفيه : طالبة جامعية

مُساهمةموضوع: رد: دعوه للرجوع الى حضن ربنا (ماتستغربوش العنوان ادخلو واقروا الاول )   الإثنين نوفمبر 09, 2009 4:02 pm

اولا شكرا على التوبيك الجميل ده جعله الله فى ميزان حسناتك  ثانيا انا  فعلا لما ببقى مضايقة قوى بصلى ووانا ساجدة بشتكى لربنا لكل اللى مضايقنى وبستريح جدا ونا ساجدة بقول وبدعى ايوة بدعى كتير بقول كل اللى انا مضايقة مننه واى واى مشكلة وفعلا بحس  براحة جامدة قوى وانا بحب ربنا جدا  جدا 
الرجوع الى أعلى الصفحة اذهب الى الأسفل
 
دعوه للرجوع الى حضن ربنا (ماتستغربوش العنوان ادخلو واقروا الاول )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات تيتانيك :: القسم الإسلامي :: اسلاميات-
انتقل الى: